酷熱的西九長廊

5 JUNE 2011 (SUN)

尋日係公司同糖糖傾開計話想帶小小豬去玩鞦韆，所以傾傾吓就話約埋小肥肥一齊去西九長廊玩吓影吓相啦！

原本天文台都話會天氣會有驟雨，所以攪到我唔敢幫小小豬著太少衫。點知一去到目的地，個太陽伯伯真係勁勤力，唔好話小小豬，我地幾個大人都勁熱，所以要抖一陣先可以開始影相。

我地先去玩公園仔玩吓先，全日唯一的三口子合照，雖然唔望鏡，不過都幾溫馨哦...哈哈~

嘩...仔仔仲乜咸豬腳呀~

又玩又攰，玩到謝晒啦~

之後我地就去玩鞦韆，小小豬都係第一次玩鞦韆，不過都好似唔係太ENJOY咁，可能係天氣熱影響，所以我地都只係玩左一陣~

玩完鞦韆，小小豬個體能溫真係唔得，塊面仔都晒到紅卜卜，所以唯有幫佢解除束縛，做個豬肉仔。睇佢一除衫個樣幾開心~

最後我地就去左長廊個邊長椅，邊休息邊同小小豬玩~

睇佢見到啲飲嘢幾開心，真係一名為食豬嚟呀~

今日小小豬真係唔在狀態，都比較扭計同埋唔多有笑容，可能係天氣太熱影響，所以我地都玩左兩個鐘左右就走。

希望下次再去街街時佢會開心啲啦！