頭痛到癲

1 JUNE 2011 (WED)

由前日開始，我個頭就不停咁痛，不過都叫做OK頂得到，所以幾朝起身都打孖拍兩粒頭痛藥就繼續返工。雖然返左工，但都真係勁辛苦，個頭痛到好似想爆炸咁，所以攪到依幾日都冇乜心機做嘢(好彩都叫做冇做錯嘢！)。

今朝起身，小豬媽話見到我塊面白晒，完全冇晒氣息咁，加上我個頭真係痛得好利害，痛到連個胃都唔舒服，勁想嘔咁，所以都真係頂唔順，打個電話返學校請一日假。

打完個電話之後就繼續大覺瞓，瞓到差唔多夠鐘去睇醫生時就俾小豬媽叫醒，就係依個時間，小豬媽已經為左準備左一大杯黑糖薑茶，等我可以驅咁啲頭風~

 

小豬媽除左幫我好好照顧小小豬等佢唔好嘈住我瞓之外，又照顧我，真係勁感動，容許我唱一句：世上只有媽媽好，有媽的孩子像個寶！

其實我都知道自己大約係乜事，咪又係嗰啲月事影響都我個頭痛！真係唔明白，好多人都話生完BB之後嘅月事係會比未生之前好，不過我就好似唔係，生完之後，係月事前後都會頭痛，仲要比未生之前仲密左好多，唔係次次都隔次就有頭痛，仲要係勁頭痛嗰隻，真係唔知點解呀？唔通係年紀大、機械壞？

雖然自己知自己事，不過都係要去睇吓醫生先得，所以瞓醒之後就去見一見醫生，同醫生講我個情況。醫生都應為我嘅頭痛同月事有關，不過佢仲問左我一啲關於工作嘅嘢，見我放鬆啲個人，咁個情況就會好好多。最後醫生又開左一大批藥俾我，其中有啲係會令我放鬆啲，等我唔好處於一個緊張狀態，對我嘅頭痛都有幫助哦~

唉...真係冇鬼用，又要食藥，上兩個星期先食過藥，今日又要開始食，希望食埋今次短時間內唔洗再食啦！

不過食左藥又真係痛少左(不過仍然都係痛)，但都叫做有返啲精神。我真係要快啲病好，因為嚟緊有好多節目要同小小豬一齊去玩呀！