十個月的小小豬

10 JUNE 2011 (FRI)

時間真係好似過得好快，話咁快小小豬已經十個月大了，真係好似好老土咁講『開心嘅時間覺得特別快』！

越嚟越大個仔，識嘅嘢真係越多，好似已經可以扶住嘢行路，又識得自己企起身，近依幾日仲識得自己拍手掌添。

睇見佢學識咁多嘢，內心真係有一種難以形容嘅喜悅。不過同一時間又開始苦惱，因為小小豬學嘢真係好快，當我地教佢學習時，做一兩次已經可以跟住我地做，真係要認真啲此諗吓點教好佢，等佢做一個好乖乖。不過相信有我地，細心咁教，小小豬一定冇問題呀！

小小豬又嚟整左個新LOOK，今次係小象打扮，係唔係好可愛呢~

 

希望小小豬可以繼續健健康康、快快樂樂咁成長，因為佢快樂就是我快樂嘛！