夜遊廟街

7 JULY 2009 (TUE)

由於小豬爸突然想去廟街行吓，所以就相約我地同LULU妹一行五人係今晚嚟個夜遊廟街活動(其實都唔係好夜，我地都係由七點左右開始活動)~

對廟街嘅印象唔係太深，可能係我好..好..好少機會去，所以好多野對我嚟講都係幾新奇，尤其係攤當賣嘅，真係都好少見，有啲仲好古怪添，不過依啲都係主要俾遊客買，我地都係睇好啦~

行左一陣，我地就見到廟街特式之一，就係睇相。不過依家好多都做左搭羅牌占卜，睇相算命竟真係好少人幫襯啦~

再行過多少少，就見到有另一個特式...就係唱歌仔。不過可能我地仲係早關係，都係得一檔有位伯伯係度唱歌，個伯伯仲唱得好ENJOY~

到左醫肚嘅時候，原本我地都有打算去食街邊大排檔感受吓廟街風味，不過奈何個天氣真係太熱，我地頂唔到係冇冷氣環境吓食野，最後就隨便搵左間有冷氣嘅地方入去食野啦~

哈哈...錯有錯著，依間嘅嘢食都唔錯，係個賣相差少少。小豬爸仲不停讚好味呀~

食飽飽再行多一陣，就完左我地依個開心愉快嘅廟街之旅啦！