第一餐生日飯

28 JULY 2009 (TUE)

雖然仲有成個月先到我嘅生日，不過今日已經食左本年度第一餐生日飯啦！哈哈~~

因為我地七八月生日嘅都有幾個人，所以就約埋一齊出嚟食飯，當同我地慶祝，一齊開開心心食餐飯。

我地今次去左紅磡依間酒樓食杭州菜啦~

由於我地掛住傾同食，所以都冇將食物影相。不過啲嘢食都OK好味，尤其係個小籠包，我總共食左三隻呀，真係有啲唔係幾好意思添。

成晚都傾得好開心，我地嘅話題講得最多嘅係嗰啲古古怪怪嘢，不過出奇地，我竟然唔驚，唔知係我大膽左，定係佢地就住我嚟講呢？HEE HEE~

最開心嘅係....同事們都好有心，預早埋生日禮物俾我地呀~

哈哈....開開心心又過左一又食又拎嘅晚上啦！