驚喜魚仔

11 JULY 2009 (SAT)

今日放工返到屋企嘅時候，大肥豬就古古怪怪咁唔俾我行去魚缸個位置。

佢越唔俾我行，我就越要去睇下個魚缸。點知.....就有個驚人發現，就係多左一條白雪雪又有大肥豬手掌咁大條嘅魚仔，比我地上次係天光墟買嘅大成倍呀~

原本大肥豬都唔肯講我知條魚仔嘅身價，最後經我威逼利誘之下，終於都講左我聽。

嘩......真係俾佢激親，買左條咁貴嘅魚仔番嚟。不過，睇睇下條魚仔頭仔大大咁又幾得意~

算啦......佢鐘意就由佢啦，不過只限一條，再買多條貴魚，我怕真係會破產呀~

依家又多一位魚仔成員大家庭，睇下佢地游得幾開心~