2007年3月29日星期四

滿手銅臭味


今日一返到工就要開始數錢....仲要係好D濕濕碎碎嘅毫子,真係頭都痛啦!

事關我地天主教學校係三月份都會為明愛機構舉行『四旬期捐款活動』,每一班都會有一隻羊仔錢箱,等D學生捐錢入去,當然唔限佢地捐幾多啦!

就係依個原因,個個學生都係捐毫子,仲要係一毫最多。最誇張就係有一班數完之後,竟然有成三十幾蚊一毫....真係數死我呀!

我唔係唔讚成佢地捐錢,但都唔好全部都係毫子呀。

依家先係數左幾班,仲有十班嘅羊仔錢箱未數呀!我食完飯之後又要再努力啦!

依家...唔知係唔係D錢有味呢,我成對手都已經好銅臭味...洗幾次手都仲有呀!

沒有留言:

發佈留言