要去婚前檢查

我一向都唔在意要去做婚前檢查，一嚟覺得好似冇依個需要，二嚟當然係怕抽血...打針依D野啦~

係未決定結婚嘅時候，大肥豬都成日叫過我去做BODY CHECK(因為佢成日都擔心我身體唔好)，不過我一路都拖..拖..拖，冇理佢。

今次大肥豬就大條道理話CHECK清楚對等時生BB都有好處，佢用依個原因，我當然要去接受，去做檢查啦~

我地一路都有留意嗰D醫療機構嘅婚前檢查PLAN，不過...佢地間間都好唔同，有D好平(三百幾蚊)，有D就成幾千蚊，真係唔知點揀好。後來，大肥豬就聽佢同事講話家計會有婚前檢查計劃，佢同事都去過，好似幾PRO，同埋好似專業D(個人感覺)！

尋日打去問，嗰D姑娘好細心解釋俾我聽，所以我地都決定左係家計會做我地嘅婚前檢查。

今日終於都BOOK左啦~我地BOOK左3月31日去抽血同交費，之後等兩個月就可以睇報告。

我原本都冇諗住咁早做檢查嫁，不過個姑娘話嚟緊四月會加價，叫我有心做就抽左血先，唔洗蝕抵，同埋佢又話我依個時候做，可以唔洗堆埋D野係年尾，個人冇咁緊張哦！(個姑娘真係好好人呀！)係度都要多謝我男同事肯同我對調長短週，等我可以有著數。)

死啦~~依家好驚呀....唔知抽血係點，我咁大過女都未試過呀！

係呀~~~如果有姊妹都想去家計會做婚前檢查，記得四月前好去BOOK啦，學姑娘話法....唔好蝕呀！