終於打通左

今日係SAMMI演唱會優先訂飛嘅開始，我未夠9:00就開始打啦~~不過都係打唔通。原來都有好多人好似我一樣，好恨去睇SAMMI呀！之後我就一路做野，不停用手機打，都有少少驚俾老細到嫁，不過為左要訂到飛，就真係要大膽少少啦~ 經過我四個鐘頭不斷努力下(打到部手機都冇晒電呀)，我終於打通左啦~~~真係超開心呀！

不過..唔知係唔係今次訂飛方式同以往唔同，定係有D乜問題，佢地今次係人手接電話，佢同我MARK低左訂嘅資料同電話，之後話依一兩日會有職員打俾我同我CONFIRM資料。我都有D驚唔知係唔係真係算訂左，所以係臨收線之前我再問多次嗰位小姐，佢叫我放心，已經算落實，仲叫我放心呀！

依一兩日又要電話同信用咭跟身啦~以防佢找唔到我呀！

唔知有冇同我一樣，都係等緊佢地電話呢？

真係有少少擔心同緊張呀！既然佢咁講，我諗應該冇問題掛！

 

最新消息：

剛剛訂飛熱線打左電話嚟同我CONFIRM晒啦~~好野

我終於都可以係5月19日睇到SAMMI演唱會啦~