蒸餾水機送到

上次係會展JOIN新天地影婚紗相，佢地送左部迷你蒸餾水機俾我地，等左到好幾個月，今日終於都送左嚟，仲送左樽水呀！

好在爸爸係屋企，佢幫我收左件貨，如果唔係都唔知點啦~~一放工就急不及待番去睇個製成品，點知唔望由自可，睇清楚...真係好失望。

失望係因為佢地D手工真係好差呀！貼係水機旁嗰兩張相真係樣衰到....

可能佢地執過相啦~~攪到我地個樣好鬼紅，D色又完全唔夾，都唔止。貼又貼得唔好，有一面個角貼唔實，要我自己加工，另一面就係相中間起粒粒。真係勁嬲！

我將依個反面教材俾大家睇，提醒各位朋友...如果再有同類型野送俾大家，大家唔好要。因為唔要贈品好過眼火爆呀！

依家真係....唔要又唔捨得(有自己張結婚相嘛)，擺起度又好似唔合心水....算啦！

不過~~爸爸叫我從另一個角度睇，免費送俾你，唔好期望咁多......佢仲話都唔係好差，都仲似我個樣已經好好啦~