今日放工冇端端抽起條根想游水，所以番到屋企就執齊所有野，自己一個人去左鯉景灣個室內游池游水啦！
點算會抽起條根...都係一個原因，就係我太肥，想做吓運動，減吓肥啦！(一個人都唔知可以做D乜運動，只係諗到可以去游水。)
計吓...我都有成年冇去過游水啦，自己一個人仲更加未試過，所以話一個女仔真係為左要減肥，真係乜都敢呀！
我六點左右就去到游池，真係冇乜人，可能仲係早啦！成個游池加埋我都係得十幾個人，所以游得都好舒服，起碼冇人阻礙我。
我自己都唔係游得好叻，都好慢嫁...可能好耐冇游，游左兩個直池就已經冇乜氣啦~不過...後來慢慢就開始慣啦！
全程我都游左45分鐘，但我冇偷懶嫁，慢慢游，游一陣，抖一陣。唔覺唔覺都游左成廿幾次直池，嗰個場唔係標準SIZE，所以其實唔係好多呀！但對我嚟講已經好叻啦，之前我去游水都係浸唔游。
游完水之後，成個人都好似散晒。雖然係好攰，但唔知點解好精神，可能依D就係做完運動嘅好處啦！
為左我個減肥太計，我會盡量迫自己每星期去游兩次，不過媽咪同大肥豬都唔睇好，佢地成日都話我唔會有恆心。
雖然唔知得唔得，但希望可以KEEP都啦~
沒有留言:
發佈留言