【社區貼心服務】萬寧社區藥劑服務

5 DECEMBER 2020(SAT)

 一向都知道係好多萬寧入面都設有藥房，不過原來唔止係藥房咁簡單，因應最近冬季流感同疫情嘅夾擊，所以就推出左全新「社區藥劑服務」，服務係包括「公立醫院取藥升級服務」、「免費藥物及用藥諮詢服務」及「小病痛評估及建議」，由註冊藥劑師提供專業的藥物建議，減低患者病情延誤、服藥不當或缺藥等風險。我仲親身去左體驗，真係覺得唔錯呀~

當中我覺得「小病痛評估及建議」同埋「免費藥物及用藥諮詢服務」就最啱我(最重要係免費呀)，好似我依排個胃唔係好舒服，成日飽飽脹脹，但又覺得唔需要/唔想去睇醫生，坊間胃藥嘅太多唔知點揀好，所以就將情況同當值註冊藥劑師講，之後超詳細問及我嘅症狀，經佢了解後話可能係消化系統較弱，除左介紹一隻胃藥俾我之餘仲提我平日都要小心飲食，太難消化嘅就盡量食少啲~

另外，平日屋企都有啲食剩嘅藥，但好多時過後都唔記得佢地嘅功效或者過期未，我地都可以帶埋啲藥去拎俾藥劑師睇，除左會同我講返個藥性之外，仲會講解返個正確服藥方法添~

我仲借機請藥劑師介紹啲啱小小豬年紀嘅益生菌俾我，藥劑師哥哥都好詳細介紹左幾款俾我，當佢知道我屋企都有食開嘅時候，就提意食埋屋企嗰啲先，睇下個情況先再決定有冇需要轉。完全感覺到佢嘅用心，唔會隨意叫我買，值得俾個LIKE佢呀~

不過，我覺得最貼心就係佢地嘅「公立醫院取藥升級服務」，因為好多長期病患者都需要定期去醫院拎藥，但由於依家疫情又再嚴重起嚟，我地都唔會想係醫院逗留，何況長期病患者依啲高危人仕呢。依個服務都好簡單，只要病人係覆診前14日內，獲所屬醫院專科門診醫生確認後，就可以由萬寧派專人到指定公立醫院，代為領取藥物、覆診紙、抽血紙等藥物或相關文件，而收費都只需要$50，既可以免除長期病患者係醫院內嘅等候時間，仲可以減輕醫護人員嘅壓力，減低市民進出醫院及社區散播病菌嘅機會，所以我真係覺得唔錯呀~

 

了解更多「社區藥劑服務」嘅詳情 ~> https://bit.ly/3m0DzcS 

社區藥劑師駐店位置 ~> https://bit.ly/3pZFl0q