【有營養兼健脾胃】南瓜蕃茄洋蔥湯

10 October 2017(TUE)

話說前幾日同好姊妹飯局，席間上佢送左半個自家制嘅南瓜俾我，叫我用嚟煲湯俾小小豬飲。咁.....即係其實收禮主人翁係小小豬先真啦.....哈哈哈！ 

好姊妹一番心意，我就當然好好珍惜兼好好地諗下用嚟點煲俾小小豬飲。經我上網睇過好多唔同嘅南瓜食譜之後，就決定攪攪新意思，嚟一個有營養之餘仲可以健脾胃嘅南瓜蕃茄洋蔥湯啦！
 
我一向都係煲開中式湯水俾小小豬飲，西式湯就係第一次，不過見個食譜都係好簡單，所以就試一試，希望啱小小豬口味啦！ 

南瓜有補中益氣及生肝氣作用；蕃茄有生津止渴及健胃消食功用；洋蔥有潤腸，理氣和胃，健脾進食，溫中通陽，消食的功用，對食積納呆、宿食不消很有幫助；豆漿就係由黃豆研磨而成，黃豆可健脾益氣，養血寧心，增強體質，對於瘦弱、乏力有幫助。(網上資料) 

南瓜半個、蕃茄1個、洋蔥半個及無糖豆漿500毫升~

 

先將南瓜洗淨後去皮，然後切成小粒~ 

 

再蒸大約15-20分鐘至軟身~ 

 

蕃茄及洋蔥洗淨後去皮，然後切小粒~ 

 

用少少油開鑊，然係將蕃茄和洋蔥炒2分鐘~ 

 

待三樣食材放涼之後，再放入攪拌機~

 

將三樣材料攪拌CREMA狀~ 

 

最後加入無糖豆漿~ 

 

然係待再煮滾~

 

最後加入少少鹽調味就飲得(如果想飲得清啲啲，唔落鹽都可以呀)~ 

 

看似就比較杰身(西湯係咁嘅質感嘛)，不過入口又幾滑，估唔到南瓜同豆漿又幾夾，所以都幾好飲呀！

小小豬仲攪笑到幫依個湯左個名叫南瓜豆腐花，感覺上幾貼切哦...呵呵呵！難得佢都鐘意，等我都研究多啲唔同種類嘅西式湯水，咁就可以有多啲唔同湯水服示依隻高要求豬仔先！



溫馨提示：
– 由於個別人仕體質不同，所以大家記得煲之前了解下自己，如有疑問，請先向註冊中醫查詢！