【健脾補五臟】蟲草花淮杞芡實水鴨湯

28 MARCH 2017(TUE)

成日啲朋友仔講煲水鴨湯可以對脾胃虛弱嘅小朋友好有益處，所以成日都想買嚟煲俾小小豬飲，因為總係覺得佢食極都唔肥，煲多啲唔同種類嘅健裨湯俾佢飲，睇下會唔會有改善。

想就想左好耐，不過總係覺得唔知係邊度買水鴨好，所以一直都未有行動。

今次應邀體驗FOODWISE嘅網上訂購服務，見佢地有大量有機凍肉出售，當中見到有水鴨，就當然即刻訂返隻，之後就買齊材料煲依個蟲草花淮杞芡實水鴨湯啦~
 
依個蟲草花淮杞芡實水鴨湯都好有益處，有調補氣血及滋補五臟功效，對體弱多病，痰多咳嗽小兒都好有益處，而且各樣食材性質都好溫和，所以好啱一家大細飲用呀！ (網上資料)

材料包括：蟲草花半兩、淮山1兩、杞子1湯匙、芡實1兩、薑2片、瑤柱3粒及急凍水鴨1隻~

 

水鴨有咩益處？有補中益氣、消食和胃，利水消腫及解毒之功，對病後虛弱、食欲不振有很好嘅食療功效。另外，由於水鴨嘅肉味鮮甜且含脂肪少，所以啖湯煲好後都唔會好油膩呀~

 

雖然係急凍水鴨，不過感覺都唔錯，唔會雪到超硬咁，同埋佢嘅雪味都唔算重~ 

 

解凍後先切開兩邊，然後清洗好內裡(正常急凍產品都內裡仲仍有少量內藏血塊，不過唔洗緊張，因為都好易清洗呀)~ 

 

洗乾淨後就切開四件，然後汆水備用~ 

瑤柱浸軟；薑片拍鬆；其他食材浸洗一陣~ 

煲內放約3L水，然後隨水加入薑片~ 

 

待水煲滾，然後放入所有材料~ 

 

再煲滾後用大火加蓋煲約15分鐘~ 

 

之後轉慢火加蓋煲多1.5小時~ 

 

最後加少少鹽就飲得啦~ 

 
坦白講，第一次以水鴨同瑤柱嚟煲湯，其實都有丁點擔心唔知煲出嚟會係咩味，又好驚小小豬唔鐘意嗰一陣水鴨味。不過好在啖湯都好清甜，一啲都唔油膩，最重要係兩位老細都話好飲，咁我都放心晒。 

既然小小豬都鐘意飲，而且今次係FOODWISE網購訂嘅水鴨都幾好，所以我下次都會係買水鴨，煲多幾次水鴨湯俾小小豬飲，等佢補補脾胃，快啲變肥豬先得！


More Information :
依家各位朋友仔只需於FoodWise網站購物滿$200並輸入優惠代碼 "KOLFFG1703211A"，即可獲得紅酒乙支，數量有限，換完即止，恕不另行通知。
(所贈送之紅酒會連同網上訂購之貨品一併送到送貨地址，購物滿$500即可免費送貨。若金額不足$500，可於FoodWise分店取貨時一併收到)

Website：http://foodwise.hk/
Facebook：https://www.facebook.com/foodwisehk

 

**我地的FACEBOOK PAGE，齊齊來交流親子。育兒。烹飪啦**