【試玩專員出動】爆旋陀螺對戰套裝

17 MARCH 2017(FRI)

小小豬又收到新玩具，多謝萬信有限公司送俾小小豬嘅爆旋陀螺對戰套裝，其實今次都係小小豬第一次接觸爆旋陀螺，唔知佢又鐘唔鐘意玩呢~

 

因為我地都好少睇電視卡通節目關係，所以實不相暪...唔只小小豬，就連我自己都係第一次接觸爆旋陀螺。我記得曾經細妹都有買過返屋企玩，當時佢仲同班朋友仔一齊玩得好興奮，我仲成日諗睇住個陀螺轉轉下又有乜咁好玩。不過經過今次親身試玩，原來又真係幾剌激呀！

N年前細妹玩嘅就當然係啲好普通嘅款式，但時代係會進步，估唔到依家嘅爆旋陀螺都真係好多變化，真係愈來愈利害。

陀螺產品B-62 旋風電動陀螺盤~ 

 

簡單幾個步驟就可以砌好，就連小小豬都可以自己整。盤內仲有兩個迴轉位，係玩緊嘅時候可以令陀螺改變轉動方向，玩嘅時候就更加刺激呀！

B-48 異界聖劍.M.I ~

 

依個陀螺就最得小小豬歡心，除左係佢最愛嘅紅色之外，個發射器就好似一把劍，而且拎上手又啱晒佢手型，所以小小豬每次都用依個陀螺嚟作戰。

 

B-34 勝利武神.B.V~

 

初時都唔覺得有咩特別，經姨姨上網搵資料，原來依個係主角專用嘅陀螺，主角用就當然係勁啲啦~

 

老實講砌嘢都真係唔係我強項，所以就當然搵高手嚟教小小豬玩，所以就捉左姨姨嚟教/陪小小豬玩。初初我都以為好難玩，但姨姨教左三兩下之後，小小豬都開始識得個技巧，仲好快上手添~ 

 

學識左就當然到左對戰時候，小小豬都玩得不知幾投入，仲成日話要彈走姨姨個陀螺添~

 

睇住佢地玩又真係幾刺激，姨姨回家就當然到我陪小小豬玩，估唔到一個小小嘅爆旋陀螺都可以玩成晚。小小豬仲話下次去公園玩時，都帶埋成套爆旋陀螺對戰套裝一齊去，可以同公園內嘅哥哥一齊玩哦~

 

咁都好呀，多啲同其他小朋友玩，又可以識多啲新朋友仔，咁依隻豬仔就唔會成日要我陪啦....哈哈哈！

More Information :
Facebook：https://www.facebook.com/wbbahk/

**我地的FACEBOOK PAGE，齊齊來交流親子。育兒。烹飪啦**