【澳門親子之旅】巴黎人酒店住宿體驗

18 MARCH 2017(SAT)

上一次嚟澳門狂歡雪地嘉年華(按此重溫)時，我地係經由巴黎人酒店前往乘搭穿梭巴士前往碼頭，當時由於都幾趕時間，所以都只可以走馬看花式望，就連同地標影返張相都唔可以。

今次唔上可以嚟同巴黎鐡塔影相，仲可以體驗住宿及一連串親子玩樂活動，真係超級興奮呢~

 

謝謝永安旅遊及澳門金沙度假區邀請我地參加今次『澳門冰之歷奇住宿套票體驗之旅』，全部行程都係為小小豬而設，玩足兩日又點會唔開心呀！ 

開心事就由出發開始，因為我地前往澳門的船程，永安旅遊為我地升級至頭等坐位~

 

頭等位可以有免費小食同飲品提供，依個小小豬就好似發現新大陸咁(佢好似係第二次坐頭等，上次又唔見你咁興奮)，不停研究點解有嘢食....哈哈哈~

 

終於嚟到巴黎人酒店，第一時間就當然係CHECK-IN，嘩..乜依家啲酒店周圍都咁靚，只係CHECK-IN大堂，勁有藝術氣氛呀~ 

 

CHECK-IN之後除左可以有房卡之外，仲有一份PASSPORT，入面仲有齊晒我地依兩日去玩嘅入場卷，咁就去玩都非常方便啦~

 

原來酒店仲會為每位客人準備電話卡，咁就離開酒店都可以上網，真係超細心又貼心~

 

酒店仲會為我地提供回程船票，當然就快快手去BOOK，估唔到服務處都可以咁靚呀~

 

辦好晒所有手續，我地就可以上酒店房間，沿途都真係勁靚，每一個角落都成個藝術館~ 

 

仲不時有表演者表演添~ 

 

一向熱愛住酒店嘅小小豬一上到酒店樓層，就飛去搵自己房間啦~ 

 

簡潔嘅房間都令人好舒服，而且酒店都係新開，所以整個感覺都唔錯~

 

有得住酒店嘅小小豬都不知幾開心，完全唔想離開房間繼續碌床，唔係話同佢去PLAYROOM放電，佢都唔肯離開房間呀~

 
係房間休息過後，我地就去小小豬至愛嘅Q立方兒童王國玩，由於玩樂都幾多，所以我就留待下一篇文章再集中分享啦！ 

小小豬玩樂過後，我地就去巴黎鐡塔啦~

坦白講，巴黎嗰個就真係冇機會嚟，依家嚟澳門睇巴黎鐡塔都一樣，因為係按真品一半比例設計呀~

 

  

我地先由7樓觀景台出發，沿途會有一條仿巴黎心鎖橋天橋，當然大家係可以自備愛情鎖掛上去啦~ 

 

沿住心鎖橋行，就可以到達巴黎鐵塔底，之後搭電梯就可以直到最高37樓觀景台，就可以望到澳門嘅夜景啦~ 

 

觀景台四面都有鐵欄圍住，所以都非常安全，不過就只係會影響影相角度~ 

 

但其實望出去，澳門夜景真係五光十色，非常吸引呀~

 

最後一定唔可以漏左依個巴黎鐡塔燈光秀，歷時三分幾鐘嘅燈光再加上音樂表演，小小豬都話好睇呀~ 

  
玩左成日，小小豬嘅電都放得七七八八，所以就返房間洗白白瞓覺了，因為抖足精神迎接聽日嘅好節目呀！


More information : 澳門金沙度假區「冰之歷奇」2天自由行套票 每位$699起
- 包「體驗夢工場」冰之歷奇門票
- 包金光飛航香港往返澳門經濟艙船票
- 酒店餐廳內享用早餐或午餐(可免費提升至「體驗夢工場」功夫熊貓之舞林盛宴享用早餐)
- 包一晚酒店住宿(可選擇：澳門金沙城中心假日酒店、澳門巴黎人、澳門威尼斯人或澳門金沙城中心康萊德酒店)
立即預訂：http://bit.ly/2mnE0mQ

 

**我地的FACEBOOK PAGE，齊齊來交流親子。育兒。烹飪啦**