【我們的太空之旅】黃金海岸兒童主題客房體驗

11 MARCH 2017(SAT)

小小豬絕對唔係一個宅男，因為佢真係唔多願意留係屋企，一放假佢就一定要求我地帶佢去玩，簡直係一名逛街豬。今次邀黃金海岸酒店邀請，體驗兒童主題客房，佢就超級開心，因為可以住酒店呀~

 

兒童主題客房就當然係以小朋友為主角，所以就連CHECK-IN都要小朋友自己負責(當然....依個只係小朋友嘅小簡介，最終都係我地家長嚟做登記啦)~

小朋友做好登記後，就可以得到小禮物一份，就係雪糕COUPON，小小豬又有口福了~

 

經過一輪簡單登記，我地就嚟到房間，一入到去真係嘩一聲....因為成個太空搬左嚟呀~

 

就連張睡床都好似個月球咁呀~ 

 

小小豬今晚就係瞓太空船呀~ 

 

房間內都擺放左一系列與太空有關嘅圖書，又幾細心哦(鼓勵小朋友閱讀真係要俾個GOOD呀)~ 

 

仲有一支小朋友專用嘅望遠鏡，唔好睇佢好似玩具咁，真係可以望到出面靚景呀~ 

睇靚景就唔洗一定望遠鏡，因為我地坐係大露台都一樣可以睇到個勁靚嘅景呀~  

雖然有靚景，不過小小豬都係俾洗手間門吸引住，因為成個太空船控制板咁，小小豬不停扮發射升空呀~

一入洗手間就忍唔住要讚，因為有小朋友專用嘅洗手盆，感受到佢地係以小朋友出發~

 

成個環境都好有太空氣氛呢~ 

 

房間內都有為我地提供支裝水，而且仲有太空主題嘅杯添~ 

 

係房間攪攪陣之後，我地就當然要去玩，第一步就係去食個下午茶先~ 

 

由於我地入住嘅係兒童主題客房，所以就可以享有一個同主題嘅下午茶。我地嘅係太空房，就當然係以太空為題嘅星球套餐啦~ 

 

成個九大行星咁，小小豬都不知食得幾開心，仲不停轉轉轉咁揀食物呀~ 

 

除左咁靚嘅食物，都仲有飲品呀~ 

 

不過小小豬最期待就一定係食雪糕啦~ 

 

食飽飽就緊係去玩，我地就嚟依個「至Kids遊樂園」俾小小豬大放電啦~ 

 

遊樂園內設施都幾大，而且種類都好多，絕對係啱唔同年紀嘅小朋友玩。除此之外，我都覺得公園都非常乾淨，而且環境仲好舒服~ 

 

嚟到就當然俾小小豬無限量放電，繩網陣同那個無邊瀡滑梯，其實睇落都好似有丁點驚，但其實睇就一回事，玩就另一回事，小小豬都好易就可以玩到，仲不知幾開心添~ 

 
唔覺唔覺又玩左個幾鐘，帶住小小豬嘅時間又真係過得好快咁。之後我地就去食晚餐，然後就再去「鯊魚冒險島」玩(由於太精彩，就等我下篇再詳細分享啦)。

玩到攰就返房間洗白白，之後就抖足精神明天再玩過啦~

 

**我地的FACEBOOK PAGE，齊齊來交流親子。育兒。烹飪啦**