學習

6 NOVEMBER 2012(TUE)

依兩日雖然小小豬病都叫做好左好多，冇再發燒又冇再痾，不過都因為仲食緊藥，食完之後又會好攰咁，所以為免令小小豬辛苦，又加添老師嘅工作量，所以都係冇返學，留係屋企休息。

唉...病一病真係什麼規矩、自律性都要由頭嚟過，尤其係訓練戒片片，一切都要重新出發。

雖然今日都留只係屋企，不過我地都有學習，就係利用之前買左嘅毛毛球，加強訓練小小豬玩數數及分顏色~

其實小小豬對數數同顏色都已經好熟，基本上都識晒啲顏色名同數1-20，不過就仲未可以好準確咁一粒粒咁數，有時會心急地亂數。所以買啲唔同顏色毛毛球俾佢，等佢可以訓練專注力同時，又可以邊分顏色邊數數，又有得玩，希望咁可以加強佢啦！

教左一次之後，小小豬都已經可以依我指示將唔同顏色毛毛球分好。分完顏色亦都可以把格仔內的毛毛球一粒粒咁數住放回枱面上呀~

整體上都覺得小小豬都好鐘意咁玩，亦都可以達到我嘅目的，等佢玩多幾次，咁應該對數數及分顏色會更加有幫助呀！

**我的微博..關注吧**