放學好活動

20 NOVEMBER 2012(TUE)

今日朝早陪小豬媽返醫院覆診，大家可以放心，一切安好，只要KEEP住睇住就OK啦！

原本以為趕唔切接小小豬放學，所以叫左LULU妹去接放學。不過好在覆診時間都算順利，又唔洗等得太耐，所以就可以同埋小豬媽接小小豬放學啦！

成支軍隊咁去接個傻豬仔佢當然開心，難得一齊去接小小豬，所以我地都繼續開心事，就係一齊去食餐好嘅。

其實學校附近都唔係太多好嘢食，所以入商場見到有間日本嘢食，所以就去豪豪地食個富貴LUNCH啦！

我嘅壽司飯~

LULU妹嘅壽司~

小豬媽嘅鰻魚炒飯~

有好嘢食，個小小豬又點會唔想食呀？睇吓個為食豬，食得幾招積，又古靈精怪~

依間啲嘢食都唔錯，啲服務員哥哥又好NICE，成日都同小小豬玩，所以都應該有下次。

食飽飽之後，小豬媽見附近有冒險樂園，所以就話要帶小小豬去玩番轉啦~

哈哈哈....有得食又有得玩，小小豬就當然開心啦！搵機會再一支軍隊出發接小小豬放學時，可以再嚟啦！

**我的微博..關注吧**