精靈

3 NOVEMBER 2012(SAT)

病左都有成四日，小小豬日日都冇晒精神，唔肯食嘢所以攪到行路腳軟軟咁，睇見佢都真係心都痛埋。到左今日，小小豬都算已經退左燒，只係仲有啲肚痾，不過情況都冇之前咁嚴重，所以擔心程式都少左好多。

就係因為小小豬精神唔好，攰攰咁，所以尋日同今日加埋有三個幼稚園面試我地都放棄左。雖然都真係有少少可惜，不過唔緊要啦，小小豬係最重要嘛！

今日下午，小小豬瞓醒之後，開始有返少少精靈，仲識得走上小豬爸張床度玩啦~

見到大笑嘅小小豬，真係安心晒啦~

不過，玩完..跳完..碌完之後，小小豬又再表現左攰樣，自動自覺行上床度要瞓覺啦！

唉...希望快啲可以好返晒，快啲變返一個完完全全精靈小小豬啦！

**我的微博..關注吧**