話咁快又一個月，小小豬已經十五個月大啦！
今日小豬媽又幫小小豬用單反影左啲相，睇吓依個豬仔，唔知點解著起冬天衫嘅小小豬，我覺得好似特別大個仔咁，真係一啲都唔似只有十五個月嘅BB呀..哈哈~
依一個月最大轉變就係小小豬開始行得好好，由當初每次只係行得幾步，到依家行得都叫穩陣，仲可以一次過由屋頭行到去屋尾，真係叻仔左好多(不過就成日要好似捉豬仔咁捉佢座定定)。可以佢對行路都冇乜信心，所以當出街嘅時候，都一定要拖住我地嚟行，就係算係自己行，都只係行幾步，之後都一定拖住我地。
哈哈...咁都幾好，等佢唔好咁大膽，習慣自己一個周圍走嘛！(我相信總有一日佢係會自己周圍走...不過希望唔好咁快啦~)
沒有留言:
發佈留言