反斗奇兵預演日

5 NOVEMBER 2011(SAT)

之前我登記到可以參加AP嘅TOY STORY LAND預演日，所以今日我地一家三口就同埋小肥肥一齊入去玩啦！

講真，係未入去玩之前都真係好期待，睇啲雜誌廣告介紹覺得好正，但入到去覺得有啲失望，雖然成個環境係佈置得好靚，係入面真係好似處身玩具王國咁，不過個地方真係好細，行一個圈真係唔洗十五分鐘。

等先同大家分享吓新LAND嘅四周環境先(由於我要照顧小小豬，冇時間影外圍相，所有以下相片由小肥肥提供)~

玩GAME就冇小小豬份啦，不過我地都同佢影左好多相~

成個LAND最令小小豬鐘意嘅就係依個ABC牆，睇佢幾開心，又古靈精怪咁係啲字母旁周圍行~

就係因為佢太愛啲英文字母，所以同佢影相佢都唔肯望鏡，個頭只係望住啲英文字母嗰邊，真係激C我呀！

講返啲新GAME，我地第一個玩嘅就係遙控車，由於小肥肥唔玩，所以佢暫時變身小小豬媬姆，等我地兩老婆去飛返轉~

我地排左二十分鐘左右，原本都仲需要排多一部車先到我地，不過因為之前有兩個位，所以我地就話玩先，點知原來係最後嗰排，為左唔洗小肥肥等太耐，所以我地照玩。我都覺得自己勁大膽，部車真係好得，個離心考力真係好勁，係第二吓就已經加速，當時個感覺真係好似跳樓咁，個腦一片空白，來來回回勁力度大約四次左右，就開始減速，當落車嘅時候我四肢都好似麻痺左咁，又唔識落車，真係好嚇C人呀！

之後就到同小肥肥玩彈弓狗，有左遙控車經驗，依個真係好少兒科，只係不停係咁轉，當最後嗰幾吓就轉得急啲，所以都OK好玩~

因為時間關係，加上又唔想小肥肥陪我地等，所以最後個降落傘就冇玩到，留返有機會先去玩啦！

今日入玩都有禮物收，就係為預演日設嘅紙牌~

仲有新貼紙派添，依幾張係啲CM話見小小豬好可愛送俾佢呀~

我仲買左新推出嘅杯添~

哈哈...我又買左支Bubbles槍俾小小豬呀~

整體上都幾好玩，不過真係好難想像當全面開放嘅時候，個個人都去新LAND玩時，真係驚會好迫。另外…我地仲發現新LAND位置屬於西斜，所以當你身處任何一個位置都會覺得好晒，所以準備去玩嘅朋友仔記得做足防晒呀！