重見天日

4 NOVEMBER 2011(FRI)

今日放工返到屋企，俾我見返張靚靚油畫掛返嚟牆上面啦~


事緣早係未有小小豬嘅時候，可能因為張油畫太重，所以個勾仔已經唔夠力，所以張油畫跌左嚟。當時都想叫大肥豬整返好佢，點知當準備想整返好囓時候，就發現有左小小豬，所以冇整到。(因為我係好傳統，啲人話有左BB係唔可以鑽牆，所以唔敢。)

之後到小小豬出左世，我地都冇時候去理，所以副油畫都收埋左成兩年有多啦！

今日大肥豬請左半天假係屋企整嘢，所以就整埋副油畫，等佢可以重見天日。

哈哈...唔該晒呀...大肥豬老公。