神秘禮物

今日放工打俾大肥豬，佢就古古怪怪咁話有份神秘禮物俾我，話係用嚟影靚相用。

心諗係乜呢？唔通係靚鏡頭？不過又冇可能，因為佢都話過有支定焦靚鏡之後，短時間內都唔再買鏡，所以係返奶奶屋企途中，不停係度諗究竟係乜啦！

於時一見大肥豬，就迫係拎份神秘禮物出嚟！原來就係.......

依本書係專講我地部SONY單反嘅應用技巧，大肥豬話等佢學識晒書入面嘅技巧，仲話之後去影相都要帶埋本天書，咁就真係可以影到靚相啦！嘻嘻.....真係唔知好嬲定好笑！

不過都好，起碼大肥豬會俾心機去學影相，咁我之後嘅相應該會靚啲啦，有得益嘅都算係我呀....哈哈！