至愛復活蛋

仲有一個多星期先到復活節，不過我今日已經收到一份小小嘅復活節禮物，就係依包我至愛嘅朱古力復活蛋~

唔同顏色嘅細細粒朱古力，真係好食都唔停得口呀~

我都算係一個為食嘅人，平日都好鐘意食朱古力，但唔知點解由細到大都特別鐘意食依款朱古力，總係覺得同平時食嘅朱古力唔同味道，真係好食啲呀！

記得之前間唔中都見超市有得買，我一見到就會買番包嚟食，不過近依幾年都只見吉百利只係復活節先推出，所以就算好鐘意食，每年都只係復活節先有得享受啦！

唉....真係要趁依家，冒住肥嘅危險，買多啲嚟食先得啦！哈哈~