今日放工如常約左小豬媽TEA一TEA先返屋企煮飯仔。不過係我地TEA完之後,見到有好多引誘,好多鞋鋪同衫鋪都做緊特價,我地當然唔執輸睇吓,就係咁睇晏左添。
同小豬媽分開後,我就急急腳咁返屋企煮飯仔啦!
好在一早就諗好晒煮乜,所以好快就買好晒餸,返到屋企又好快咁洗..洗..洗...同煮...煮...煮,最後用左四十分鐘整好左兩餸一湯嘅簡單晚餐啦~~
今日個晚餐主角就係依個腐乳炒雞,依半隻雞仲係小豬爸俾我,話等我有好野食呀~
哈哈....第二次煮依個,不過今次就重手左,落多左腐乳,所以攪到辣左啲,但都過得去。
除左仲有飯後果添,就係兩個小豬媽拜過神嘅大芒果~
沒有留言:
發佈留言