又嚟我的美麗日記

之前買買埋埋都好幾盒我的美麗日記面膜，日日FULL都應該可以用個幾月...哈哈~~

原本都打算禁止自己再買，等用咁啲先再入貨，點知今日去萬寧買嘢時，見新出左一款草莓優格面膜，仲做緊特價$58添，所以又買左返屋企。

不過對我嚟講係免費，因為趁大肥豬俾錢時放埋係收錢處，所以就.......多謝大肥豬啦~

剛剛試用完，個感覺係.....冇朱古力咁香，但用完又FEEL到塊面唔乾，好乾淨咁，唔通依啲就係『零油光』嘅效果(佢係咁寫呀..哈哈)。

講起我的美麗日記面膜，記得之前有位BLOG友仔留言話我知，香港嚟講只係得萬寧同7-11獨家發售，直接係台灣既廠出品。其他地方買嘅都係水貨，好似係深圳制做。

雖然唔知係唔係真，不過為安全計(對內地產品都冇乜信心)，都係去返萬寧買正貨，好似有信心啲。同埋萬寧間唔中都會做特價$58，比起其他嘅都係貴幾蚊！

對我嚟講都係安全至上好啲~