執平貨

前幾日知道屋企附近個商場大堂有個馬拉松特價場，所以尋日同大肥豬食完下午茶就去八卦吓，睇吓有冇平野執啦！

可能因為特價場關係，開頭都覺得啲貨都唔係太吸引，好多個款式都唔太啱心水。但當我地準備離開之際，見到有個位有好多T恤，走去八卦時，終於俾我見到啲好嘢，有我鐘意嘅公仔T恤。

之前我係馬拉松專門店買過，折左都要百幾蚊，依家一件都只係$90，真係勁抵，所以我就搵呀搵(因為特價場係將所以衫放晒係度等你自己搵合SIZE)，終於都俾我搵到三件啱我SIZE又幾得意嘅款啦~

除左我自己搵之外，大肥豬都有幫手，仲幫我搵到得番一件嘅衛衣，仲要都係$100，咁抵當然又買埋佢啦~

原本主要都係去睇吓有冇嘢啱大肥豬，點知就係我大有收獲。哈哈.....啲衫仔又平又靚，真係勁開心啦！

最開心就係大肥豬送俾我呀！呵...呵....呵