APM娃娃戀の部屋

知道APM有一個娃娃展，所以今日放工就去行左去睇娃娃啦！

個展覽其實係大堂一少部分，雖然唔算好大，不過都擺左好多唔同種類嘅娃娃，有啲我都唔知佢地叫乜名添。

雖然好靚，不過因為佢地擺係玻璃入面，所以都好難影靚，但盡我嘅努力都影左唔少呀！哈哈~~

哈哈...其實仲有好多另外款式嘅娃娃，不過我都係鍾意B女、P女依啲多啲，眼仔碌碌靚啲嘛！加上好多都係改過化妝....仲靚呀，真係越睇越鐘意呀~

雖然個個娃娃都好靚，但我都係鐘情於DOLLCENA多啲。全場至愛........一隻改左貓妝嘅MARIE D女，真係好鐘意，好靚呀！

雖然地方細細，不過又真係有好多好靚嘅娃娃睇。依個展覽做到8/3，如果有興趣嘅朋友仔記得去睇吓啦！