龍鼓灘BBQ

講左去BBQ好耐，終於今日都去成團，約埋M&M一齊去燒一燒呀！

今次我地去左小M介紹嘅龍鼓灘其中一個自助燒烤場『劉星花園』。依個燒烤場又真係唔錯，食物種類又多，味道仲幾好添。

開始燒嘢食啦.......

爆開晒嘅芝士腸，又爆得幾靚呀~

條腸仔係唔係受左感染呀~

出至大M手嘅靚靚多春魚，好利害呀，原條燒出~

好味嘅牛油蒜蓉包~

哈哈...變身....方包超人~

仲有第一次燒嘅魷魚添~

仲有好幾樣嘢食，不過真係要特別介紹係個帶子，係入場送每人一隻，燒起嚟又好鮮甜呀~

當然唔少得同大家影吓相啦~

除左送帶子之外，仲有甜品送呀！每人一杯芒果布甸。

我地由三點幾開始燒到八點左右先走，真係又開心又食得好飽飽咁離開呀！

整體上環境都好，連個廁所都十分乾淨(依個係好重要嘅一點~哈哈)。

但唯一就比較遠，冇乜車可以直入燒烤場。好在有M&M車我地去，所以都好方便。不過又要麻煩晒佢地呀！