一個人的晚餐

大肥豬今日又要OT，所以又得我一個人係屋企。一個人係屋企嘅節目都係上下網，睇下電視，都真係有少少悶，唔多習慣屋企咁靜呀！不過冇辦法啦，大肥豬要努力做嘢賺錢俾我買DOLLCENA嘛！哈哈~~

一個人最大問題就係都唔知食乜好，所以就去左買啲壽司外賣番屋企慢慢食。哈哈...唔好睇佢係外賣，都好好味，仲食得好飽飽添~

我自己咁豐富，大肥豬食乜呢？

呵呵~~壽司佢就唔多啱，所以會等佢番嚟時煮個愛心丸丸麵俾佢食。

除左愛心麵之外，我仲煲左個菊花涼茶俾佢飲添~

因為我唔飲得涼嘢，所以就冇試到，不過依個涼茶都係藥材店啲職員介紹，都應該係好呀！

哈哈..大肥豬依排都勁多野做，所以都係時候整啲愛心嘢，等佢番到嚟見到開心吓嘛！