原本今日係同小豬爸小豬媽一齊入迪迪尼玩，但突然小豬爸有事，所以要約過另一日再同佢地入去玩啦！
不過講到入迪迪尼，我條引又嚟啦，所以兩個人就入左去玩啦！
一入到迪迪尼，見面口個佈置唔多人影，所以就開始影靚相。
其實今次入迪迪尼都係主要入去米奇屋，因為上次係入面影嗰啲好多都紅眼唔靚。好在...今次影嗰啲都唔差。
影完米奇屋，我地就四周圍行，行吓啲精品店，之後我地就離開迪迪尼，再向另一個目的地去出發。
哈哈...我地個目的地就係~~~~好萊塢酒店。
迪士尼酒店就去過幾次，都未去過好萊塢酒店，所以今日就去行吓影相啦！不過...入面都唔係太多DISNEY特色，感覺上都只係多幾個米奇頭貼左係酒店牆度咁。
不過，入面有一片好大嘅草地，個感覺就好舒服，我地就入左去影吓相啦！
除左正經相之外，大肥豬仲發揮佢個傻瓜機攝影師嘅技術，幫我影左型格相。哈哈....有啲又真係影得我幾靚呀！
不過，影完依啲型格相，大肥豬就竟然問我仲乜唔化少少妝，叫我下次去影相記得塗少少野，咁影啲相出嚟會靚啲哦。
真係激氣...平日又唔鐘意我化，依家就話我唔化妝。不過都好....證明佢依家開始鐘意幫我影相，咁我就要開始諗多啲地方去影相先得....哈哈~~
沒有留言:
發佈留言