高身價嘅灰姑娘

當知道網上有藍色裙仔灰姑娘買嘅時候，個心都攞攞攣，因為都真係好想擁有灰姑娘，不過又好似貴左少少，有啲唔捨得！

知道有灰姑娘嘅蹤跡，嗰排我都好俾心機咁四周圍，又成日上個拍賣網睇吓隻公仔。終於大肥豬都對我嘅行徑有啲頂唔順嘅時候，就叫我買左佢，唔洗係度搵來搵去。

於是.....經大肥豬講一講，我就帶左灰姑娘返屋企啦！

講真...都真係有少少肉赤，依個係咁多隻當中最高身價，但為左可以儲齊一SET DOLLCENA，忍一忍都要啦！(不過依個都已經係我極限嚟~~)

但話雖如此，個灰姑娘又真係幾靚，見到佢又會忘記左銀包個傷口呀！哈哈哈~~~

依家仲差一隻，各位如果見到有BENNY兔嘅蹤影記得話我知呀！如果有朋友仔去旅行見到，個價錢又唔貴的話，都可以幫我帶佢地番嚟香港呀~~