開心工展會

尋日下午約左小豬爸、小豬媽同LULU妹一齊入去工展會行街街。唔知係唔係假期關係，真係好多人呀！第一時間當然係買張飛入場先啦~

 一入到會場，第一時間我地就去食嘢先，因為我地個個都肚仔餓，唔醫飽個肚冇力行街呀！我地食左好多野..牛什、魷魚、花膠翅、糯米滋、小籠包，當然我地霸唔到靚座坐係度慢慢食，只可以拎起手企埋一邊食，不過四周圍嘅人都係咁，都幾有特式，仲幾好味添！

食飽飽就開始行啦...不過真係好多人，尤其當間店有試食嘅時候就仲迫人。我地邊行邊睇嘢，原本大家都係冇打算買嘢，點知最後我地竟然買左幾大袋。

我自己都買左幾包煲湯材料同醬料，諗住下次煮飯整俾大肥豬食呀..哈哈，小豬媽仲笑我買幾包煲湯材料都唔知兩年內煲唔煲得晒..真係激死我呀~

我地逗留左你工展會入面都差唔多三個幾鐘，又食又買，都行得幾攰，不過又真係好開心，可以一家人開開心心咁去街，我就最鐘意啦！