迪迪尼聖誕之旅

聖誕節去左邊？依一個咁好嘅日子，當然係又去我最鐘意嘅地方啦！哈哈哈..

一嚟我地張AP係可以聖誕正日入樂園，好想入去感受下個氣氛。二來我又可以去試下部單反機，可以話係一舉兩得呀！哈哈哈~~~

平時我地都好少係大門口個水池影相，不過為左試機，大肥豬就幫我係度不停影啦~

嘩...原來聖誕日真係好多人入迪迪尼，所以真係周圍都係人呀！就算連拎左FASTPASS玩GAME都排得好利害，但我地入去個目的都係影相，所以都冇乜影響。

今次入去都只係同左DONALD影相，真係超乎想像，用左半個鐘左右就影到啦！

影完DONALD之後，就留左係小鎮大街周圍影，真係乜都影得一餐呀！

係經過城堡時，見到有好多人同緊管樂團成員影相，所以我就即刻搵打鼓個靚女影番張相啦~

之後就再繼續影靚相啦~

我地留左係迪迪尼都係三個鐘左右，之後我地就去另一個目的地再影過。

我地今次就再去迪迪尼酒店影..影..影，不過我都就冇係酒店入面影，只係外圍影。因為大肥豬話係日光環境下試新相機會好啲呀！

我地除左影正經相之外，仲影左好多古怪相添~~

短短幾個鐘，我地就已經影左三百幾張相，真係勁呀！哈哈哈~~第一次真正用就單反相機影，感覺上都係比傻瓜機影得好，不過就比冇其他用單反嘅朋友仔影得咁靚。

我已經睇左本說明書先去影相，不過都好似唔係好識用呀！原來想影靚相都真係有排學呀~~