詠藜園的第一次

因為前日係電視見到有節目介紹，所以我地決定左去完影相就入黃埔食詠藜園。

之前有幾次都因為要大排長龍，所以冇試過。好在..今次我地都算早早地，排左十五分鐘左右就有位啦！我都真係大鄉理，依間咁出名我都係第一次入去食呀！
(哈哈..等位時俾大肥豬捉左去做廣告小姐~~)

可能因為我地得兩個人關係，好多都好想食，但又都怕食唔晒。諗左好耐，最後我地就簡簡單單叫左依幾樣野食~~

 

一定要試吓佢個招牌擔擔麵，個味道都幾好，不過啲麵就好似細左少少！

 

當然唔少得我嘅至愛小籠包(佢地叫小湯包)，都幾好味呀！

 

仲有大肥豬叫嘅過橋水餃，依個細細地可以一啖一粒，都幾好~

 

雖然啲嘢食都幾好，我地兩個都食得好飽飽咁離開。

不過唔知係唔係間鋪開得個冷氣太細，攪到大肥豬越食越熱(仲出晒汗添)，所以我地好快就食完走人啦！