我都病左一段時間關係,一放工就想即刻番屋企訓,所以都有成個幾星期冇返小豬媽屋企食飯。見今日都精精神神咁,就一早打電話俾小豬媽報名返屋企食飯啦!
LULU妹有一個習慣,就係當佢差唔多去到屋企附近就會打電話回家,等我地準備開飯。
今日因為我係屋企關係,依個電話當然由我聽啦!(請留意我們的對話)
小肥豬 :點呀...係邊呀!(因為有來電顯示,一睇就知)
LULU妹:疑..仲乜你係聽電話,今晚番嚟食飯。
小肥豬 :有問題嗎????
LULU妹:唔係呀...我尋日仲同媽咪講你好耐冇番嚟食飯,我好掛住你同姐夫呀!(佢個語氣係好認真~)
一聽到依度,個心真係有種好心甜嘅感覺,唔識形容...總之就係覺得好WARM,完全感受到LULU妹係好錫我呀!
係我臨走時,LULU妹仲送左俾小禮物俾我,就係依個MARIE嘅KEYBOARD貼紙。
真係好多謝LULU妹今日送俾我嘅心意同禮物呀!
沒有留言:
發佈留言