眼眉跳

依幾日都唔知仲乜成日都眼眉跳，都已經跳左成兩三日，仲要唔係跳幾吓，好似閃眼咁，都唔知仲乜....唉！

不過跳來跳去都係同一個位置，係左眼嘅眼角上面...真係攪到唔係好舒服，我指係心理上呀！

因為之前成日聽人講眼眉跳個位置可以知吉凶，不過就唔知係『左凶右吉』定『左吉右凶』。依家我個眼眉跳情況都唔知係好定唔好，攪到都有少少驚驚地。

成日都怕係件唔好嘅事，最大問題就係唔係只係跳一兩吓，都跳左成幾日啦......

希望只係醜嘅唔靈，好嘅靈......冇乜特別事會發生啦！

不過講起，唔知眼眉跳正確講法係『左凶右吉』定『左吉右凶』呢？有冇朋友仔知道呀！