今日係大肥豬婆婆生日,所以一放工就即刻走人,因為要趕入新界錦田陪老爺奶奶一齊入去食飯呀!(做個乖乖新抱仔呀~~哈哈)
其實除左食生日飯之外,我都仲有另一個目的,就係當我地結婚嗰時,因為婆婆行動唔太方便,所以冇出席我地個婚宴,冇向佢敬茶。今次就係賀壽之餘,補番敬茶啦!
原來婆婆已經九十歲,真係睇到唔似呀,仲好健壯。因為佢講潮州語,所以都唔係好知係講乜....哈哈~不過都應該唔係罵我呀!
成餐飯真係食得超飽,不過最攪笑就係佢地酒樓嘅甜品竟然係可以ORDER啫喱,真係第一次呀!
係臨走時我地同婆婆影張相啦!
沒有留言:
發佈留言