尋晚係除夕夜,不過唔係太舒服,所以都唔係好想去街,好怕同人迫呀!
放工就同大肥豬去左屋企附近商場行左一陣,之後就好乖咁返屋企陪老爺奶奶食飯。
食完飯......睇左一陣電視,巡左一陣BLOG就大覺訓啦!
連倒數到睇唔到就訓到你死我活咁。唉.......我個除夕就咁渡過左啦!
雖然係咁,我都有一份除夕禮物收呀....
就係當我地行緊商場時,睇到一對BOOT做大特價,試左又幾舒服,又幾好睇哦,咁大肥豬就主動話買俾我啦! (哈哈~~~大肥豬又真係幾錫我呀!)
新一年就有新鞋著....好開心呀!
沒有留言:
發佈留言