【清肝益胃】印度椰子合掌瓜石斛草瘦肉湯

15 NOVEMBER 2022(TUE)

最錫小小豬嘅兩位姨姨嚟食飯兼陪玩，就當然要煲啖靚湯俾佢地飲嚟慰勞佢地。

原本都唔知煲咩湯，當我去藥材店入貨時，店主姨姨就向我介紹依個石斛草湯包，既可以清肝益胃，而且可以清熱滋陰又潤肺。聽落又好似幾啱依家天氣飲，所以就買返份材料，再加印度椰子同埋合掌瓜嚟煲靚湯啦~

【健脾養胃】木瓜栗子粟米素湯

30 AUGUST 2022(TUE)

剛好係街市見到大大粒嘅木瓜，又係店主姨姨大力推薦下，我就買左嚟，加埋啲栗子、粟米..，咁就嚟一個啱晒大小朋友嘅健脾養胃又可以生津止渴嘅靚素湯啦~

【嘉湖CHILL Staycation】我的夢幻小堡壘家庭樂體驗

 30-31 JULY 2022(SAT-SUN)

老實講，踩入七月其實我個心情每日都係好忐忑，都好擔心唔知小小豬派位會派成點，又要諗定啲叩門事，總之就係無時無刻都係緊張狀態。好在，小小豬都派到間好好嘅中學，咁我都放下心頭大石。

緊張左咁耐，係時候都要輕鬆返下，我地就應邀嚟到嘉湖海逸酒店體驗『我的夢幻小堡壘』家庭住宿計劃，嚟返個CHILL 開心STAYCATION啦~

【增強免疫力】蟲草花鮑魚淮山瘦肉湯

10 MAY 2022(TUE)

正式返學都有好一段日子，雖然暫時都一切正常，不過係學校始終都係人多活動多，所以都係要煲多啲增強免疫力嘅湯水俾小小豬飲嚟打好個底。

今次煲依個蟲草花鮑魚淮山瘦肉湯，既有增強免疫力嘅蟲草花，又有小小豬鐘意食嘅鮑魚仔，更加好嘅係個湯滋陰潤肺、強身健體，而且仲甜甜地好好飲，所以小小豬都話正呀~

【消炎祛濕】魚腥草竹蔗茅根茶

7 MAY 2022(SAT)

前排成日聽朋友仔講話要煲多啲魚腥草茶，因為魚腥草有抗炎治感冒同解熱功效，飲多啲就唔怕中招，其實我之前都煲過幾次俾小小豬飲(按此重溫)，不過我自已就超寒底，加上相熟中醫師又提過小小豬唔太適合飲得過寒，所以之後我都冇再煲了。

前幾日去買煲湯料時，見到店主姨姨就介紹我依個魚腥草竹蔗茅根茶，既可以消炎祛濕，以乾貨嘅魚腥草為主啱小朋友飲，所以我又執左一份料煲俾小小豬飲啦~

【明目補肺氣】太子參石斛螺片瘦肉湯

25 APRIL 2022(MON)

屋企仲有一份石斛係度，咁就諗下用嚟煲咩湯好，當然最好就係去請教相熟嘅藥材店姨姨，就係咁佢就教我煲依個四季都好啱飲，又有助明目補肺、滋陰護肝嘅太子參石斛螺片瘦肉湯~

【明目清肺熱】竹蔗茅根杞子無花果茶

23 MARCH 2022(WED)

基本上我都成日煲竹蔗茅根俾小小豬飲，尤其係依段時間都真係煲得好密，因為有助清肺熱，養好個肺就唔怕中招嘛！

我平日都比較多加埋冰糖一齊煲嘅(甜甜地小小豬飲得仲稱心)，不過尋日我去買材料時，店主姨姨就教我改用杞子同無花果去煲，既可以護眼之外，用無花果就總比用冰糖嗰啲調味來得更健康。

既然姨姨教路就當然要試試，所以就嚟一個竹蔗茅根杞子無花果茶俾小小豬飲啦~

【放「暑假」新玩意】來一轉《Chocobo GP》

20 MARCH 2022(SUN)

提早放「暑假」，成日宅係屋企都要搵多啲攪作俾小小豬，等佢有啲細藝，咁就批准小小豬每日做完指定任務後，就可以打機輕鬆下啦！ 

賽車遊戲我諗應該絕大部分嘅男仔都鐘意玩，超可愛嘅「Chocobo」更加可以話係Daddy嘅童年回憶，所以佢兩父子拎住最新推出咗繁體中文版《Chocobo GP》時已經勁興奮，急不及待要開Switch嚟一齊玩~

【清熱潤肺】青紅蘿蔔馬蹄蓮子百合湯

7 MARCH 2022(MON)

早幾日係FB湯水群組見到有朋友仔分享左一個防肺炎菌嘅湯水，見睇啲材料都係啲性質平和嘅普通材料，係依家日日宅在定唔知煮咩嘅情況下，咁就跟風試煲下，等兩位老細換下新口味啦~