【明目補肺氣】太子參石斛螺片瘦肉湯

25 APRIL 2022(MON)

屋企仲有一份石斛係度，咁就諗下用嚟煲咩湯好，當然最好就係去請教相熟嘅藥材店姨姨，就係咁佢就教我煲依個四季都好啱飲，又有助明目補肺、滋陰護肝嘅太子參石斛螺片瘦肉湯~

太子蔘半両、石斛半両、螺片一両、海椰片半両、紅棗五粒、扁豆半両、赤小豆半両、蓮子半両、芡實半両、南北杏半両、蜜棗三粒、圓肉半両、紅蘿蔔兩條、粟米兩條、瘦肉約$50~

螺片先浸至軟身~ 

紅棗洗乾淨後去核~

所有食材浸洗一陣~

瘦肉洗淨汆水備用~

紅蘿蔔及粟米去皮切塊~

煲內放約3L水，待水滾後加入所以材料~ 

待再次滾起後，繼續用大火加蓋煲約15分鐘~

之後轉慢火加蓋煲多2小時~

最後加鹽調味，就可以飲得啦~

以下係各食材嘅功效，可以參考一下呀(網上資料)：
太子蔘 - 治氣虛肺燥，補脾土，消水腫，化痰止渴。
石斛 - 功效益胃生津，滋陰清熱及明目。用於陰傷津虧，口乾煩渴，食少乾嘔，病後虛熱，目暗不明。
螺片 - 有滋陰補腎及健肝益脾的功效，同時亦有助調理身體及腸胃。
海椰片 - 有清熱潤肺、化痰止咳之效，對口乾、口氣、捱夜、皮膚乾燥、咳嗽痰少或經常說話者都很適用。
紅棗 - 具有補脾和胃、益氣生津、養血安神之功效。
扁豆 - 有助增強免疫及健脾化濕，而且還具有抗菌，解毒的效用。
赤小豆 - 健脾袪濕、利尿消腫。
蓮子 - 有補脾止瀉，止帶，益腎澀精，養心安神之功效。
芡實 - 有補脾化濕、益腎固精功效。
南北杏 - 可止咳下氣，潤燥消積。
蜜棗 - 止咳潤肺、化痰平喘功效。
圓肉 - 有補益心脾，養血安神的功效。
紅蘿蔔 - 就有助健脾消食，同埋化痰解毒。
粟米 - 健脾和胃，利水通尿，益肺寧心。 

溫馨提示：
- 由於個別人仕體質不同，所以大家記得煲之前了解下自己，如有疑問，請先向註冊中醫查詢！