【放「暑假」新玩意】來一轉《Chocobo GP》

20 MARCH 2022(SUN)

提早放「暑假」，成日宅係屋企都要搵多啲攪作俾小小豬，等佢有啲細藝，咁就批准小小豬每日做完指定任務後，就可以打機輕鬆下啦！ 

賽車遊戲我諗應該絕大部分嘅男仔都鐘意玩，超可愛嘅「Chocobo」更加可以話係Daddy嘅童年回憶，所以佢兩父子拎住最新推出咗繁體中文版《Chocobo GP》時已經勁興奮，急不及待要開Switch嚟一齊玩~

暫時佢兩父子就最熱衷係「對戰模式」，係佢地對戰期間聽得最多嘅係”做乜搶左我粒魔石”、” 你又撞到我拎唔到魔蛋變身啦”…總之就係越玩越興奮~

明明我俾佢地打機係諗住可以耳根清靜一下，點知最後……..唉。不過，嘈少少都唔緊要啦，最重要係佢地玩得開心又投入嘛~

除左對戰之外，小小豬都好鐘意玩「故事冒險模式」，佢話個故事好攪笑之餘啲角色人物都好可愛，同埋每玩一段冒險就可以係過程中學多一種遊戲技能，咁係下次同Daddy對戰時可以運用返出嚟贏返哦~

《Chocobo GP》嘅玩法其他都好多元化，另外仲有「計時挑戰」、「自訂賽程」同「系列賽程」同埋支援 Nintendo Switch Online 線上最多 64 人同場對戰，小小豬話都係中文版面好，睇落好簡單易明，所以佢話研究好晒之後就教埋我玩，咁可以陪佢玩哦！

緊係啦…明知好難贏Daddy，咁就捉我依啲唔叻打機嘅落場，佢咪好有成功感，依個小小豬幾時變得咁古惑呀…哈哈！

 More information :
Facebook：https://www.facebook.com/BNETaiwan/