【嘉湖CHILL Staycation】我的夢幻小堡壘家庭樂體驗

 30-31 JULY 2022(SAT-SUN)

老實講，踩入七月其實我個心情每日都係好忐忑，都好擔心唔知小小豬派位會派成點，又要諗定啲叩門事，總之就係無時無刻都係緊張狀態。好在，小小豬都派到間好好嘅中學，咁我都放下心頭大石。

緊張左咁耐，係時候都要輕鬆返下，我地就應邀嚟到嘉湖海逸酒店體驗『我的夢幻小堡壘』家庭住宿計劃，嚟返個CHILL 開心STAYCATION啦~

CHECK-IN完我地就上房間，我地今次係入住UPGRADE左入住標準套房，房間空間大好多，小朋友就可以多啲地方周圍跑跑跳跳啦(註:需另加$400)~

當然今次我地嘅『我的夢幻小堡壘』主角就一定係依個小朋友帳蓬，小小豬一見到依個鋪好左床鋪嘅帳蓬就已經話要係入面瞓。帳蓬下都鋪左兩層軟墊，所以小小豬都話瞓得好舒服。另外，帳蓬內仲有一副地墊型飛行棋同埋毛公仔送返俾小朋友添~

休息一陣，我地就去餐廳食住宿計劃包埋嘅三層架下午茶，以芒果同熱情果做主題，好有夏天感覺，而且一件咸/甜點都好精緻呀~

小朋友都有自己嘅專屬下午茶餐~

依排熱愛打卡嘅小小豬又點會放過機會狂打卡呢~

終於有得食啦，依期對三層架情有獨中嘅小小豬一嚟就不停食..食...食，一向唔太愛好熱情果嘅佢，竟然大讚好味，尤其係個熱情果啫喱杯，佢直頭兩杯都係晒呀~

食飽飽就返回房間，躬入帳蓬內玩下遊戲，依個小小豬實在太愛個帳蓬了，基本上一係房間佢就入去，話係自己嘅私人空間哦)~

玩左一陣，我地就換泳衣落去泳池游水啦~

STAYCATION小小豬最鐘意就一定係游水，尤其係唔洗鬥快BOOK又唔限時嘅就更加鐘意，所以依度絕對可以滿足小小豬大游特游呀！

開心放完電之後，我地就先返回房間休息一陣，之後就到酒店餐廳食豐富嘅自助餐晚餐。

其實都食過幾次，所以對佢地嘅自助餐晚餐都好有信心。當然今次都係一如以往嘅好味，冰鎮海鮮盤嘅生蠔、龍蝦、長腳蟹都REFILL得好快，而且水準依然GOOD~

熱葷種類都好多，小小豬就大讚個酥皮湯、龍蝦伊麵同西班牙海鮮炒飯好味~

當然唔少得即煮拉麵烏冬同埋燒烤類啦~

玩左成日，緊係要即刻開餐啦~

緊係唔少得甜品環節，最鐘意佢凍櫃內細細件嘅糕點，好味得嚟又唔甜，食多幾件都唔會好罪惡感。今次仲見到有士多啤梨朱古力噴泉、Movenpick雪糕。我個人一定推仲即焗梳乎厘，好味到我都食左兩大個呀~

食得滿足就同係全日大放電情況下，小小豬回房間入帳蓬睡覺啦~

瞓醒之後就去嘆返個自助早餐~

由於我地可以延至下午兩點才CHECKOUT，所以....貪玩嘅小小豬就當然唔放過機會，又去游水啦~

話咁快就過左兩日一夜CHILL Staycation，玩完成個人都輕鬆晒，小小豬就緊係玩得最開心嗰個啦~

More information :

由於今次我係體驗活動，所以就安排左三層架下午茶同自助晚餐都可以享用。一般來說星期日至五入住就包括了三層架下午茶和兒童餐及自助早餐。如果星期日入住就包自助晚餐+自助早餐，詳情可以瀏覽官方網站呀 ~> https://www.harbour-plaza.com/resortcity/tc/offers/offer-828.html?cid=FP-HPRC-Rm965943