【超萌點心】唔捨得食嘅MY MELODAY系列

29 AUGUST 2020(SAT)

話説尋日見到好多朋友洗版分享，不過屋企附近冇得買，所以只得個恨字。 剛剛係屋企附近嗰間姊妺店見到，緊係即刻豪不猶豫買返屋企開心下(我仲買到last set...so lucky)~

一行到入去店舖，已經見到有MELODAY嘅小佈置，好可愛呀~

唔止包包做得靚，連包裝都係勁靚嘅Melody，好有主題點心店feel呢...哈哈！

My Melody 雙色餃點心盒，一盒4件嘅雙色餃點心盒，分別兩件蝦餃同兩件菜肉餃。蝦餃嘅蝦肉都好爽口彈牙，不過我個人就比較鐘意食粉紅色餃皮嘅菜肉餃，好足餡呀~

由於兩個飽飽都係以凍包購買，所以買左返屋企就要隔水蒸八分鐘先可以食呀~

My Melody紅豆包以立體造型，可愛度爆燈，超萌真係唔捨得食呀~

唔止得個樣，佢個紅豆蓉都唔錯，有紅豆香之餘仲一啲都唔甜，讚呀~

My Melody菜肉包雖然都冇咁特別，不過將Melody印係菜肉包上面，望到都增加食慾呀~

飽飽入面都好足料呀~

 一系列嘅My Melody點心每日都係限量發售，所以各位粉絲要快手入貨啦！