【體驗分享】Mr. Steak外賣滋味晚餐

2 AUGUST 2020(SUN)

今日快閃同小小豬外出買LEGO MARIO，咁就當然借機唔煮飯，ORDER Mr. Steak外賣返屋企食啦。依家日日煮足四餐，間中懶下唔算過分呀…哈哈~

我地體驗左Mr. Steak嘅外賣服務，一個四人套餐就有齊豬、牛、羊、雞、蝦，仲有蕃茄意大利飯同埋煙肉意大利麵，再加餐湯都只係$348，就連難服示嘅老公都話好味又抵食~

 先嚟一個忌廉蘑菇湯，入口蘑菇味好香濃，唔錯~

我自己就最欣賞BBQ醬烤英國豬肋骨，啲肉淋身得嚟又夠入味，加埋佢個秘製惹味醬汁，我自己一個人都食左大半份呀~ 

依個烤肉拼盤都好吸引，除左有安格斯牛扒之外、仲有羊鞍扒、香草腸、燒雞脾，只係睇都已經好豐富。老公就最喜歡嗰件牛扒，五成熟剛剛好，而且鎖住牛

肉汁，所以肉質細嫩又多汁。當然唔好漏左隔離嘅薯菜，尤其個薯蓉係好驚喜~

小小豬話個羊鞍係最好食，佢直頭好滋味咁原件大啖大啖嚟食添(佢話係屋企可以唔洗咁斯文哦)~

煙肉野菌扁意大利粉，佢個醬汁都好香濃，奶味都好重，而且煙肉同野菌都配料好足呀~

香蒜蝦蕃茄意大利飯，佢嘅香蒜蝦肉都好鮮味夠晒爽口，而每一粒飯都好均勻地沾上蕃茄汁，所以入口都飯粒加蕃茄汁一齊食，味道唔錯。但飯粒有點偏硬(可能係意大利飯嘅特質，不過小小豬唔太啱咀形..哈哈)。

今餐咁多豐富嘅嘢食，小小豬實行開心密密食，仲食得好多添(完全係食到爆額呀)~

今餐我地三口子都食得好滿足，所以老公都話可以再encore。依家可以打電話或者到落order，仲可以透過Openrice嚟外賣自取，都好方便哦！

More information： 

Facebook：https://www.facebook.com/MrSteakHK