【小小豬十歲了】生日選擇做有意義的事

10 AUGUST 2020(MON)

十年前嘅一舊飯團，話咁快就雙位數，左睇右睇都唔似10歲仔，內內外外都仲係一個BB，不過...最重要係佢開心， 一陣到大左我就唔捨得啦~

今年小小豬嘅生日禮物可以話超豐富，先嚟有Daddy送俾佢嘅LEGO MARIO。自佢知道會出依套產品時，佢都不知幾期待，剛好又係八月推出，所以就順便成為佢嘅生日禮物啦~

除左Daddy之外，LULU姨姨同表姨都分別送左幾盒俾佢做生日禮物，依隻豬都真係超級幸福，屋企個個都錫到佢燶呀~

早前睇節目知道咩叫做「飯票」，當小小豬知道個起源之後，就話有機會都想去買啲嚟幫助別人。 咁就要坐言起行，趁小小豬生日就帶佢去做啲有意義嘅事~

雖然都唔算多，不過係佢嘅意思同用自己嘅利是錢嚟買飯票嘅，所以都OK啦~

佢仲怕哥哥寫錯佢個名，要自己寫返添~

我地仲撞到明哥，佢真係超級Nice，主動提意同小小豬影相留念，仲叫我地等疫情過左一齊去出動去派飯添~

經過今次，小小豬都話會繼續儲錢，之後要嚟買飯票幫人。難得依隻平日咁孤寒嘅小小豬咁有心又大方，所以我一定支持，不過希望唔係得個「講」字~