【清熱解毒】甘草金銀花菊花茶

5 AUGUST 2020(WED)

依幾日都見好多網友分享一個保健抗菌同埋清熱解毒嘅甘草金銀花菊花茶，就連我去藥材店入貨時都見店主姨姨介紹依個涼茶。

見咁多人都分享，咁又係勁戶簡單又方便，所以我都買返份材料煲俾兩位老細飲嚟打打底啦~

其實我自己都比較少煲金銀花，因為小小豬唔鐘意嗰隻味，所以初時我都猶豫煲唔煲好。不過同店主姨姨傾左一陣，佢就教左我一個方法，就係減少金銀花嘅用量，另外再加少少片糖，咁就啱小朋友口味啦！

甘草半両、金銀花半両、菊花茶一両及片糖適量~

將所有藥材沖洗乾淨~

把全部用料放入煲內，然後加入約1.5L水~

大火滾沸後加入片糖(片糖分量可以因應個人口味加減)~

改用小火繼續加蓋煲約半小時~

最後熄火焗大約5分鐘~

然後就要即刻夾起啲材料，因為依三樣材料浸得太耐，個茶就會變得苦啦~

放涼後就可以飲得啦~

老實講，雖說都加左片糖一齊煲，不過入口都仍然係有金銀花嘅味，但比起之前就好左好多，唔洗威迫利誘小小豬都乖乖飲啦！

店主姨姨仲教，依個涼茶雖然好啱依家疫情時打好個底，不過就唔建議飲得太密，兩星期飲用一次就可以。記緊......蠶豆症人仕、孕婦、老人、三歲以下小朋友及體弱者忌服。 

以下係各食材嘅功效，可以參考一下呀(網上資料)：

金銀花 - 含有綠原酸、木犀草素苷等藥理活性成分，對呼吸道感染致病病毒等有較強的抑制力，有消炎解毒殺菌的功效，更可預防和幫助治療呼吸道感染。

甘草 - 有抗炎，抗過敏作用，能保護咽喉和氣管粘膜，所以也有一定的預防呼吸道疾病的作用。

菊花 - 有助解毒清熱消腫，對口瘡、牙痛、口臭有治療效果。

片糖 - 含有的多種維他命和抗氧化物質，能抵抗自由基，重建和保護細胞基礎結構，維護細胞的正常功能和新陳代謝。

溫馨提示： 

- 由於個別人仕體質不同，所以大家記得煲之前了解下自己，如有疑問，請先向註冊中醫查詢！