28 MAY 2019 (TUE)
好耐都冇約朋友仔去街街,咁有得去玩兼係我最鐘意嘅打邊爐就緊係要跟埋去,所以就嚟左旺角最新開嘅超夢幻嘅美滋鍋嚟見識下啦~
餐廳用上電子餐牌點菜,食物種類都好多,而且食材仲可以選擇全份或半份,咁就可以食多啲款式都唔怕啦~
打邊爐就當然唔少得飲品,有三款飲品可以添飲~
我就揀左無糖熱水果紅茶,我覺得佢個甜度啱啱好,啱晒我口味呀~
依度有一個自助醬料區,入面有超過20多種調味料與醬汁俾我地調教返個啱自己口味嘅靚醬~
諗唔到點調教,餐廳仲有啲配方俾我地參考添~
仲有水果及前菜任吃添呀~
場內仲有一個專為3至7歲小朋友而設嘅兒童遊樂場(哎呀...冇小小豬份添),咁大朋友開心打邊爐嘅時候就可以俾小朋友嚟放下電啦~
家長可以透過電子餐牌內嘅QR code閉路電視監察小朋友係室內玩耍添~
新加坡最出名就係黃金魚皮,緊係要叫返一 份,佢個咸度脆度都適中,話咁快就俾我地KO晒啦~
跟住就嚟一個鱆紅活魚刺身做頭盤~
魚片新鮮得嚟又好有彈性而且鮮甜美味,店員姐姐仲教我地沾上甘筍蔥花醋汁嚟食,真係仲更加惹味呀~
打邊爐最緊要當然就係個湯底,我們就揀左最有名嘅鴛鴦鍋,分別有膠原蛋白養顏美容鍋同埋滋補養生香辣鍋(豬骨湯),兩個滲湯底都用超過8小時精心製作,所以打邊爐前記得喝一碗靚湯才開始啊~
滋補養生香辣鍋就啱啱嗜辣嘅朋友,豬骨湯加入各種人參、當歸、黨參、紅棗及枸杞等中藥材長時間熬製,香料與藥材散發濃郁香辣滋味,而且仲可以選擇小辣,中辣,大辣唔同辣度呀~
膠原蛋白養顏絕對係一個美容鍋,以瑤柱、雞肉、雞腳、豬骨及豬手等含豐富骨膠原食材熬製,真係入口啖啖都有骨膠原,超級清甜呀~
我非常欣賞佢枱面式嘅抽氣系統,啲水蒸氣可以迅速抽走,可以清清新新咁食飽飽啦~
好啦....一切準備好晒就當然等待一眾食材嚟啦,唔覺唔覺我地叫左都好多嘢食,我自己就最鐘意西班牙黑豚五花肉、炸響鈴、魚三角、蟹子蝦滑同埋芝士墨魚丸。店會上菜時都會逐一講解各款食材下鍋後需時多久時間,完全係貼心嘅表現呀~
估唔到依度仲有牛骨髓、鵝腸同埋台灣新鮮鴨血依啲少見嘅食材~
不得不提依個醉酒海花蝦~
當蝦熟左之後,店員會幫忙為我地剝蝦,真係超細心呀~
當我地湯底需要打湯時,估唔到會係加膠原蛋白養顏美容鍋湯俾我地呀~
佢地嘅火鍋配件都好齊備,我就最鐘意依個鍋,咁食細細件食材或麵時可以更加方便~
最後仲有柚子沙冰為甜品,嚟一個清新口味作為是日晚餐嘅終結,真係超正呀~
大家嚟嘅時候記得LIKE佢地FB同IG,因為有嘢送呀~
一個咁正環境下食飽飽又傾餐飽,真係超滿足嘅一個晚上!
沒有留言:
發佈留言