【滋補長高】太子參淮山田七瘦肉湯

30 MAY 2019 (THU)

一啲所謂嘅親戚朋友每次見到小小豬都總係會話「仲乜佢咁瘦呀？」「仲乜佢咁細粒呀？」「佢依家係咪讀緊一年班？」，真係俾佢地講到我好似刻薄自己個仔咁仲，雖然我已經成日同自己講「我點湊又關佢地乜事？總之我自己知我照顧得豬仔好好就得，個仔精靈聰明就夠」。但.......老實講聽到有時都會十級嬲呀！

唔知點解隻豬仔食極都好似唔多吸收，所以我都好努力咁周圍搵下有冇啲食譜可以幫到手。就係一次同去相熟藥材店入貨時，同店主叔叔傾開，佢就教我煲依個太子參淮山田七瘦肉湯，可以滋補强壯同時又有助長高，而且對脾胃功能弱，身材偏矮及偏瘦小朋友很有幫助。

一聽到咁就緊係即刻執返份材料試下煲俾小小豬飲啦~

【閨密談心好地方】粉紅..粉紅...美滋鍋

28 MAY 2019 (TUE)

好耐都冇約朋友仔去街街，咁有得去玩兼係我最鐘意嘅打邊爐就緊係要跟埋去，所以就嚟左旺角最新開嘅超夢幻嘅美滋鍋嚟見識下啦~

【生津清熱】合掌瓜馬蹄椰棗瘦肉湯

26 MAY 2019 (SUN)

話就上星期小小豬病左成個星期，冇晒胃口之餘又食左成個星期藥，見到都真係超心痛。終於雨過天晴，依隻百厭豬已經變返隻精靈豬，見佢有返啲胃口就當然要煲返啖湯水俾佢補返下。

剛剛病好就煲啲清清嘅湯，所以就嚟一個合掌瓜馬蹄椰棗瘦肉湯，可以生津之餘又清清熱啦~

【開心聚一聚】PizzaExpress食大餐

24 MAY 2019 (FRI)

每個星期五都係小小豬嘅Happy Day，因為佢最愛嘅兩位姨姨都會嚟我地屋企食飯兼陪豬仔玩。不過今日我就唔舒服，所以都唔係好想煮，但小小豬又唔想見唔到姨姨們，就係咁我地就約左出街食好嘢~

【試用分享】Lancôme Advanced Génifique 系列

23 MAY 2019 (THU)

依排真係可以話超嚴重睡眠不足，我又好衰衰地一唔夠瞓啲皮膚就即刻變得好差，尤其係對眼嘅超大黑眼圈同埋浮腫都浮晒出嚟，真係驚嚇度有十級。剛好依個時候收到Lancôme Advanced Génifique 系列，為我勁差皮膚嚟個大急救啦~

【茶木新體驗】兩姐妹的Relax Time@TeaWood Deluxe

22 MAY 2019 (WED)

今日下午約左細妹出尖沙咀整啲嘢，咁任務完成就緊係要去醫下個肚，所以就去附近嘅K11搵食，細妹話想想試下佢朋友大力推介嘅珍珠甜品，就係咁我地就入左去TeaWood Deluxe食好啲啦~

【健脾袪濕】老黃瓜赤扁豆素湯

21 MAY 2019 (TUE)

街市冇豬肉賣但又想飲返啖湯咁點好？咁就最好嚟返一個素湯，見街市有老黃瓜，就加埋赤小豆同扁豆一齊煲，嚟一個健脾袪濕嘅湯啦~

【試用分享】PS-B1治敏原

18 MAY 2019 (SAT)

聽好多朋友提過，濕疹嘅人服用益生菌產品係會有幫助。一聽到對濕疹對幫助我就當然有俾小小豬服用，不過佢一直服用都係由由BB時期服用緊嘅，我都知係時候要幫佢轉過一隻大個仔嘅益生菌，但我又冇刻意去研究(諗住以不變應萬變...哈哈)。

就係依個時候收到來自日本嘅100%天然有機益生菌，佢仲獨家專利Ps-B1配方可以幫助濕疹問題，咁就緊係借依個機會試下啱唔啱小小豬啦~

【入海洋公園食泰啲】全新泰式餐廳「Ginger Grill 爐炭燒」

16 MAY 2019 (THU)

上次同小小豬嚟海洋公園嚟感受親親動物月時(按此重溫)，都有留意到開左一間泰式新餐廳，當時仲同小小豬講下次入園可以嚟試下食新嘢。估唔到有機會可以嚟Ginger Grill 品嚐一系列最新美食，感覺仲唔係超興奮~

【試用分享】 The Public Organic 天然有機精油洗髮護髮系列

14 MAY 2019 (TUE)

由於我嘅髮質都比教乾旱又多毛躁，加上為左易打理定時定候都會去做負離子，所以都攪到髮質都好傷，所以係每一次選擇洗護髮產品時我都會心思熟慮後才會選用的。

早前收到日本品牌 The Public Organic嘅日本天然護髮產品，佢地加入香薰治癒概念，可以令頭髮修護同時亦可以得到舒壓嘅作用，係日本都大受歡迎，仲話係0負評添，聽到都覺得利害，咁就緊係想即刻試下啦~

【小學豬第一次表演】我係小小魔術師

10 MAY 2019 (FRI)

等左兩年....小學豬今年終於有份參加綜藝表演，今次佢化身成為一個小小魔術師，雖然只係其中一Part嘅一個小角色，不過都夠佢開心到彈起~

【試用分享】KORRES 地中海野玫瑰維他命C美白系列

8 MAY 2019 (WED)

源自希臘護膚暢銷品牌 KORRES將會強勢抵達香港，今次我有幸可以率先試用佢地皇牌嘅地中海野玫瑰維他命 C 美白系列，嗰一種興奮心情真係難以形容呀(女仕都總係貪靚嘅...哈哈哈)~

【海邊執垃圾？】做個環保小幫手

5 MAY 2019 (SUN)

我地完成左WWF夏日學堂嘅活動之後，小小豬之後就嚟左一個餘興節目，就係去海邊執垃圾~

【學做城市生態學家】WWF夏日學堂2019體驗日

5 MAY 2019 (SUN)

一提起元洲仔，小小豬就會諗起WWF熊貓，又會諗起上年嚟參加「世界自然基金會」嘅夏日學堂活動。原來話咁快又一年了，今年我地又嚟參加WWF夏日學堂 2019體驗日，學做一個「城市生態學家」呀~ 

【試用分享】ditopi+ 益生菌護膚系列

2 MAY 2019 (THU)

多數聽益生菌都係口服嘅健康產品，但原來依家益生菌都可以用係身上。今次收到ditopi+ 嘅皇牌益生菌護膚系列真係啱晒，因為可以幫到我地三口子面對係轉天氣時嘅皮膚乾燥問題嘛~

【潤肺止咳】沙參玉竹淮山海底椰瘦肉湯

1 MAY 2019 (WED)

放復活節假期就真係日日節目精彩，亦都因為咁我就懶懶地都冇乜正正式式咁煮過飯。回歸平淡之後就當然又要勤力返少少，又係時候煲啖靚湯俾兩位老細滋潤下。

去藥材店入貨嘅時候，店主叔叔就教我煲依個沙參玉竹淮山海底椰瘦肉湯，佢話可以潤肺止咳之外，仲可以降血壓、降膽固醇、健脾益胃同埋補脾益腎。

講到咁好就當然即刻執返一份湯料回家努力扮下賢妻良母啦~